Sumarferð upp á Stórhöfða árið 1954

       Sama fólk í sömu ferð

 Myndirnar eru teknar upp á Stórhöfða 1954

Það var ekki algengt 1954 að menn ættu bíl í Vestmannaeyjum, svo það var stundum farið í fjölskylduferðir út á eyju á bílum sem útgerðirnar áttu, fengu þá vinir og vandamenn oft að koma með, þessi mynd er tekinn í einni slíkri ferð, en bílinn átti Leó útgerðin sem Óskar Matt og Sigmar Guðmundsson áttu.

Við bíl frá vinstri: Sveinbjörn Snæbjörnsson, sonur hans Bjarki Sveinbjörnsson, Þórunn Sveinsdóttir, Sveinn Matthíasson, sonur hans Pétur Sveinsson, litli drengurinn er Sævar Sveinsson, María Pétursdóttir móðir Sævars, Ársæll Árnason, Þóra Sigurjónsdóttir, Þorvarður Þórðarson, Óskar Matthíasson og Leó Óskarsson í kerrupoka. Uppi á palli eru frá vinstri: Páll Árnason, Sigmar Þór Sveinbjörnsson, Hjálmar Guðmundsson, Grétar Sveinbjörnsson, Gísli Már Gíslason, Adda Pálmadóttir, Sigmar Guðmundsson, Erla Sigmarsdóttir, Óskar Þór Óskarsson.

Kveðja

Sigmar Þór

Athugasemdir

[Helgi Þór Gunnarsson, 29.11.2007 kl. 22:03]

Gaman af svona heimildum Sigmar, kveðja úr Eyjum.

[Sigmar Þór Sveinbjörnsson, 29.11.2007 kl. 22:16]

Sæll Helgi gaman að þú lætur heyra í þér á blogginu, ertu búinn að vera á sjónum.

kveðja sigmar

[Helgi Þór Gunnarsson, 29.11.2007 kl. 22:28]

Við komum í dag um kl 18 og lönduðum tæpum tveimur gámum af ýsu, já við lönduðum á Eskifirði um síðustu helgi svipuðum afla, rosaleg bræla var kominn í dag þegar við komum heim. kveðja úr Eyjum.

[Hafsteinn Viðar Ásgeirsson, 30.11.2007 kl. 00:01]

Þetta eru skemmtilegar heimildir Sigmar, gaman að þessu......

[Helgi Sigurlásson (IP-tala skráð) 1.12.2007 kl. 22:54]

Sæll Simmi   Gaman að þessum myndum hjá þér bíð eftir fleyri kveðja  Helgi Lása

[Þorkell Sigurjónsson, 2.12.2007 kl. 00:01]

Sæll Sigmar. Ekkert jafnast á við myndir frá liðnum dögum og þessar frá þér eru skemmtilegar. Þar sem hann Helgi Lása vinur okkar er svo askoti áfjáður í meira að sjá frá gömlu dögunum, þá væri ekki úr vegi að  spyrja ,  hvort hann lúri ekki á,  eins og einni gamalli mynd? 

[Sigmar Þór Sveinbjörnsson, 2.12.2007 kl. 00:08]

Heill og sæll ,  já Þorkell það er gaman að skoða og grúska í þessu gamla, verst að maður getur helst ekki hætt maður festist í þessu, en það er kannski margt verra en það að hafa áhuga á þessu. Já það væri gaman ef Helgi Lása  vinur okkar setti inn nokkrar myndir úr Lautinni. Við skorum hér með á hann að gera það.

kær kveðja

[Ólafur Ragnarsson, 4.12.2007 kl. 05:13]

Það er alltaf gaman af svona gömlum myndum.Nú svo átti ég"ítök"í einni á myndinni.Kært kvaddur