Vinnufíkill eða dugleg manneskja ??

Vinnufíkn

Fimmti hver Íslendingur með mikla vinnufíkn,  þetta er fyrirsögnin í Fréttablaðinu í gær, og þar segir m.a.: " Vinnufíkn er óstjórnleg þörf eða árátta til að vinna mikið. Þetta snýst ekki um að viðkomandi sé svona ánægður í vinnunni eða það sé svona gaman, heldur er það innri þörf sem hvetur hann áfram til að vinna öllum stundum, segir Hildur Jóna Bergþórsdóttir, vinnusálfræðingur og ráðgjafi hjá Capacent .

 Í greininni kemur einnig fram að 65 % starfandi fólks vinna jafnan meira en 40 stundir á viku og 18% starfandi fólks vinna meira en 50 stundir á viku og 20% langar ekki að fara í vinnu á morgnana.
Með greininni er svo mynd af sofandi konu sem á sennilega að vera alveg búin á því, búinn að vinna við tölvuna sína allan daginn, klukkan á vegnum fyrir aftan hana sýnir 16,30 þannig að hún er líklega komin á yfirvinna og er líklega ekki vinnufíkill.

Ég er langt í frá að gera lítið úr almennri skrifstofuvinnu eða vinnu við tölvu, hef sjálfur unnið mikið við þessháttar störf á síðustu árum og finnst það þreytandi til lengdar. En gaman væri að vita hvar vinnusálfræðingurinn hefur verið að gera sína rannsókn. Er líklegt að hann hafi farið í Byggingavinnufyrirtæki  þar sem menn eru úti í hvaða veðri sem er og á hvaða tíma sem er langt fram eftir kvöldi, eða í fiskvinnslufyrirtæki þar sem oft er langur vinnudagur og vaktir, eða út á sjó þar sem skylduvinna sjómanna er 6 tímar og 6 tímar frí eða vinnuskylda 12 tímar á sólahring samtals  84 tímar á viku hið minnsta. Eða hefur vinnusálfræðingurinn farið í sláturhús, eða í álver þar sem unnið er á 12 tíma vöktum, og svona mætti lengi telja. Það væri fróðlegt að vita hvernig    vinnusálfræðingurinn skilgreindi þetta duglega fólk sem vinnur þessi erfiðisstörf, hvort hún skilgreinir þau sem  vinnufíkla.  Það er mikið af fólki á Íslandi sem vinnur  langan vinnudag á skítalaunum og er þá að vinna samkvæmt samningum og lögum þessa lands.

Auðvitað vildi margt af þessu fólki sem vinnur alltof langan vinnudag við þessi erfiðu störf, vinna minna og bera meira úr bítum, en launin eru lág og til að hafa ofan í sig og á þá verða menn  og konur að vinna meiri yfirvinnu, og taka því að vera kallaðir af "vinnusálfræðingum,,  vinnufíklar í staðin fyrir dugnaðarfólk.

Mig grunar að þessi ransókn hafi einmitt verið gerð á skrifstofum ýmissa fyrirtækja.

Athugasemdir

[Gunnar Heiðarsson, 5.2.2014 kl. 15:27]

Vissulega geta verið til vinnufíklar, en þeir eru hlutfallslega fáir og ekki í neinu samræmi við kenningu "fræðingsins". Svo er spurning hvar viðmiðið er. Flestir búa við það að þurfa að skila 40 tíma vinnuviku. Þeir sem vinna 12 tíma vaktir skila að jafnaði 42 tíma vinnuviku og eins og þú bendir á er vinnutími sjómanna enn lengri. Það er því spurning hvar viðmiðið er hjá "fræðingnum". Telst það til vinnfýknar ef fólk vinnur meira en 40 tíma á viku, eða 42 tíma? Hvað má þé segja um sjómennina okkar? Eru þeir vinnualkar allir sem einn?

Staðreyndin er einföld. Langur vinnutími, þ.e. vinnutími sem að jafnaði er lengri en samningsbundinn vinnutími, stafar einfaldlega af fjárskorti. Fólk er neytt til að taka þá vinnu sem fæst, ekki til að safna sér auð, heldur einfaldlega til að halda lífi.

Þeir sem skoða kaup og kjör almennra kjarasamninga átta sig fljótt á hvers vegna fólk vinnur myrkranna á milli. Það þarf enga "fræðinga" til að finna þá skýringu. 

Það er vonandi að "fræðingurinn" hafi nú ekki þurft að leggja allt of langa vinnudaga í þessa arfavitlausu skýrslu sína! 

[Sigmar Þór Sveinbjörnsson, 5.2.2014 kl. 18:02]

Heill og sæll Gunnar og takk fyrir innlitið og góða athugasemd. Ég er innilega sammála þér að þetta er arfavitlaust bull, þarna er í raun verið að gera lítið úr duglegu fólki, þeim sem eru tilbúnir að leggja á sig mikla vinnu til einfaldlega að standa í skilum. Ég þekki mikið af fólki sem vinnur sína 40 stunda vinnuviku og hleypur svo í aukavinnu á kvöldin og um helgar til að geta staðið í skilum með sínar skuldbindingar og eiga fyrir mat. Þessi blessaði Vinnusálfræðingur hefur örugglega ekki verið að umgangast þetta fólk. Æ það fer orðið í taugarnar á mér allir þessir "fræðingar" með endalausar skýrslur sem ekkert er að marka. Kær kveðja

[Sigurlaugur Þorsteinsson, 6.2.2014 kl. 02:12]

Heill og sæll meistari Sigmar.

Ég er löngu búinn að sætta mig við að þessir fræðingar flestir eru í eitthverjum öðrum kassa í veröldini en við amúginn,ég er svo oft búinn að reka mig á að hámentaðir menn og konur hafa verið svo upptekin af þvi að læra og mennta sig að smátt og smátt útilokar það sig frá "Verkamanninum" æði með námi og eins með þeim hóp sem myndast í kring um námið og með finnst það á stundum kristallast í viðbrögðum eins og þeim sem ég fékk fyrir mörum árum.Ég var að kma út úr Iðnó ásamt konunni minni þáverandi og við gengum í átt að Hótel Borg og tveir strákar á mínu reki komu svona í humátt á eftir okkur og voru með ýmsar óviðurkvæmar athugasemdir um konuna mína og endaði það með því að ég tróð þeim báðum undir bekk sem þarna var,þeir þorðu ekki fyrir sitt litla líf að koma undan bekkunum og þegar ég var komin hæfilega langt frá þeim þá komu ókvæðisorðin og það orð sem þeim greinilega fannst áhrifaríkast og svæsnast var orðið " Togarasjómaður".en svona að öðruleiti tek ég undir með ykkur Gunnari og ég veit að hjá okkur eru menn á 8-10 tíma vöktum og eru margir hverjir með vel yfir 100 tíma á mánuði.

Kv Laugi

[Sigurlaugur Þorsteinsson, 6.2.2014 kl. 09:45]

Sæll aftur Sigmar.

Eitthvað hef ég verið syfjaður í gærkveldi er ég setti inn þessa færslu,enda fullt af ritvillum í henni,en þú verður bara að fyrirgefa það.

Ég hef á mínum vinnustað upplifað það að menn eru að skila um 100-175 tímum í yfirtíð og samkvæmt þumalputtaregluni um vinnutíma á mán þá er hann 173,2,þannig að 175 timar jafngilda því að á móti hverjum einum dagvinnutíma kemur einn yfirtíðattími,og þetta er mjög svo algengt í þjóðfelaginu,En svo er líka hin hliðin og það eru nokkrir sem ég hef unnið með sem má flokka sem vinnualka og í tvígang hef ég verið með í að taka mann og koma honum á sjúkrastofnun til þess að ná honum niður eftir margra vikna svefnlitla törn þar sem hann tók stundum 3 sólahringa og vann út í eitt svaf svo í 4-6 tíma og svo önnur lota í vinnu og í seinn skiptið sem hann var fluttur í bæjinn þá var hann hættur að koma frá sér vatni eða til baksins.

Margir afsaka svona langann vinnudag með því að það verði bara að vinna svona til þess að lifa í dag,en svona hefur þetta alla tíð verið og ég hallast að því að markmiðin séu sett of hátt,en svo má líka benda á ástandið í eyjum eftir gos,vinnutíminn var mjög langur hjá öllum og það var til þess að koma ástandinu í eðlilegra ástand,ef svo má segja,En já Vinnufíklar eru víða og eiginlega komnir langt út fyrir það sem kallast má duglega.

Kv Laugi

[Sigmar Þór Sveinbjörnsson, 6.2.2014 kl. 10:59]

Heill og sæll Laugi,  og takk fyrir innlitið og athugasemdir. Alltaf gott og gaman að fá línur frá þér um það sem maður er að skrifa eða blogga. Ég er orðinn svolítið leiður á þessum fræðingarannsóknum sem virðast geta fengið niðurstöður sem þeim passar hverju sinni. Að mínu viti er þessi rannsók arfavitlaus, allavega á hún ekki við um þær starfstéttir sem ég þekki til.

En Laugi minn,  nú fer sól að hækka á lofti og við ætluðum að hittast einhverntíman í góðu tómi er ekki komin tími á það ? :-)